د سينهوا اژانس د خبر له مخې، د يو کمربند او يوې لارې د ساينس نړيوالې ټولنې د جوړېدو غونډه او د يو کمربند او يوې لارې د ساينس او تکنالوژۍ د نوښت په اړه د دويمه نړيواله مباحثوي غونډه د نومبر په ۴مه نېټه په بېجينګ کې پرانيستل شوه، د چين د دولت رئيس شي جين پينګ يادې غونډې ته د مبارکۍ پيغام وليږه.
شي جين پينګ په خپل پيغام کې دې ته اشاره کړې چې د يو کمربند او يوې لارې ګډې ابادۍ د نړيوالې ټولنې هرکلی تر لاسه کړی دی. له اړوندو هېوادونو سره د ساينس او تکنالوژۍ همکاري د يو کمربند او يوې لارې په ابادۍ کې مهمه موضوع ده او د خلکو ژوند د ښه والي، د پرمختګ د چټکوالي او له ګډو ننګونو سره د مبارزې په برخو کې مثبت رول لوبوي. هيله ده چې اړوند هېوادونه د يو کمربند او يوې لارې د ساينس نړيوالې ټولنې له لارې د ساينسي او تکنالوژيکي نوښت په اړه د پاليسيو او ستراتيژيو په برخه کې تګ راتګ پياوړی کړي، د ساينس او تکنالوژۍ لويې همکاريزې پروژې تر سره کړي، استعداد لرونکي کسان وروزي او خپل توان لوړ کړي، څو د انسانانو د ګډ برخليک ټولنې د تاًسيس لپاره خدمتونه وکړي.
(ياسمين)
© China Radio International.CRI. All Rights Reserved. 16A Shijingshan Road, Beijing, China. 100040 |