د چين د مېډيا ګروپ بهرنيو اوريدونکو او ليدونکو ته د دغه ګروپ د رئيس شن های شيونګ د نوي کال د مبارکۍ وينا

د چين د مېډيا ګروپ رئيس شن های شيونګ د ۲۰۱۹ کال د جنورۍ په لومړۍ نېټه د راډيويي څپو او انټرنېټ له لارې د دغه ګروپ بهرنيو اوريدونکو او لېدونکو ته د نوي کال د مبارکۍ وينا وکړه او ورته يې د نوي کال نيکې هيلې وړاندې کړې. نوموړي په خپله وينا کې وويل، نړيوالو ته د چين ورپېژندل، چينايانو ته د نړۍ ورپېژندل او د بېلابېلو هېوادونو د خلکو ترمنځ د پوهاوي او دوستۍ پياوړي کول د چين د مېډيا ګروپ هميشنۍ نه بدلېدونکې هيله او دنده ده. ۲۰۱۹ کال به د چين ولسي جمهوريت د جوړېدو له ۷۰ مې کاليزې سره برابر وي، په ۲۰۱۹ کال کې به د چين مېډيا ګروپ زياتې هڅې وکړي چې خپلو اورېدونکو او ليدونکو ته به په لا رښتيني، مجسمه او هراړخيزه توګه د نوې زمانې چين وروپېژني. اوس مهرباني وکړئ د شن های شيونګ دغه وينا واورئ.

ګرانو دوستانو:

په نوي کال کې د لمر د لومړۍ وړانکې په لګېدو سره زه د چين د مېډيا ګروپ او خپلو همکارانو په استازيتوب تاسو درنو بهرنيو اوريدونکو او ليدونکو ته نيکې هيلې وړاندې کوم، نوي کال مو مبارک شه!

۱۳۰۰ کاله دمخه د چين د تانګ امپراطورۍ په زمانه کې وتلي شاعر وانګ بو خپل ښه ملګري دو ته کوم چې د نوې دندې لپاره بل ځای ته روانېده، د خدای پامانۍ پر مهال يو شعر ورته وليکه چې پکې يو مشهور بيت شامل دی چې د دې بيت معنا دا ده : ښه ملګري که څه هم په لرې ځايونو کې اوسيږي، د خپلمنځي ژورې دوستۍ له امله بيا هم سره نږدې معلوميږي. له تاسو سره زما احساسات د دغه شعر د بيت په شان دي.

موږ ښايي تاسو ته پوره نوی غږ يو. هو، د تېرکال په مارچ کې چين د نړۍ د مېډيايي يوځاي کېدو له پرمختګ سره د خپل ځان د برابرولو په موخه چاينا مېډيا ګروپ جوړ کړ، دغه ګروپ د چين د نړيوالې راډيو، مرکزي تلويزيون او مرکزي ولسي راډيو چې پخوا تاسو ورسره اشنا يئ، په يوځای کېدو او نوي واحدېدو سره جوړيږي . د ارجنټاين انټرنېټ کاروونکي ريکارډو هويرټا په ټولنيزې رسنۍ کې تبصره کړې چې）） د چين مېډيا ګروپ جوړېدل مو مبارک شه! د دې ګروپ له لارې مې احساس کړی چې ما ته چين لاهم ډېر ګران او په زړه پورې دی، دغه راز زه په لاښه توګه د دوستۍ په ځواک هم پوه شوی يم.（（

د نويو او زړو ملګرو له تشويق څخه مننه کوم، زموږ څخه به خپله لومړنۍ هيله هېر نه شي!

د چين مېډيا ګروپ چې نوی جوړ شوی ، پر غاړه يې دنده لا همهغه ده چې نړيوالو ته چين ورپېژني، چينايانو ته نړۍ ورپېژني او د بېلابېلو هېوادونو د خلکو ترمنځ پوهاوی او دوستي زياتوي. موږ غواړو په لاښه توګه دغه دنده ترسره کړو او تاسو لاخوښ وساتو.

رئيس شي جين پينګ ويلی و چې د چين پرمختګ له نړۍ څخه نه شي جلا کېدای او د نړۍ سمسورتيا هم چين ته اړتيا لري. په تېر يو کال کې مو د کمرو، ماېکروفونونو او قلمونو په وسيله له نړۍ سره د چين د خبرو او نظريو د تبادلې د پياوړتيا لپاره هڅې کړې دي. د بېلګې په توګه د چين د اصلاحاتو او ورخلاصون تګلارې د پلي کېدو د ۴۰ مې کاليزې د لمانځنې، د چين د لومړي نړيوال وارداتي نندارتون او د چين او افريقا د همکارۍ فورم په اړه مو زيات رپوټونه خپاره کړي چې په پراخه کچه په نړۍ کې د توجه وړ ګرځېدلي دي. موږ پر عدالت ټينګار کړی، مثلا د ازادې سوداګرۍ د ساتلو او د اقتصادي يووالي د هڅولو په برخو کې مو څرګندې رويې ښودلې او اړوندو شکونو ته مو عاقلانه ځوابونه ورکړي دي. دغه راز د ايپيک(APEC) او د شلو هېوادونو ډلې (G20) سرمشريزو غونډو پر مهال مو د چين اړوند نظرونه خپاره کړي چې زياتو خواوو ورسره موافقه کړې ده. موږ له زياتو بهرنيو رسنيو سره په ګډې همکارۍ په زياتو ژبو يو شمېر مېډيايي اپليکېشنونه جوړ کړي ، د شانګهای همکارۍ سازمان او د چين د نړيوال وارداتي نندارتون په اړه مو ان لاين فعاليتونه ترسره کړي او ګڼ شمېر بهرني مينوال مو راجلب کړي دي. موږ په فعاله توګه له نړۍ سره خبرې هم کړې دي ، مثلا د بواو اسيايي فورم په موده کې مو د اسيايي رسنيو په سرمشريزه غونډه او د نړيوالو مالي رسنيو او کارپوهانو په (هونګ چياو) فورم کې ګډون کړی و چې دا د نړۍ د بېلابېلو رسنيو د پاملرنې وړ ګرځيدلې ده. دغه راز افريقا ته د چيني فلمونو سفر ، د چين تياتر، زه د چين مينوال يم او داسې نور فعاليتونه مو هم ترسره کړي چې له امله يې له چين سره د زياتو بهرنيانو مينه او علاقه پيدا شوې ده.

په نوي کال کې به د چين ولسي جمهوريت د جوړېدو ۷۰ مه کاليزه راورسيږي. د چين مېډيا ګروپ به زياتې هڅې وکړي چې خپلو اورېدونکو او ليدونکو ته په لارښتينې او هراړخيزه توګه د نوې زمانې چين وروپېژني. موږ به په نوي کال کې تاسو ته په زړه پورې پروګرامونه وړاندې کړو او د واقعيتونو په ښودلو سره به نړۍ ته وښيو چې چين د نړيوالې سولې رامنځته کوونکی، نړيوال پرمختګ ته خدمت کوونکی او د نړيوال نظام ساتونکی دی. موږ به د اطلاع رسونې لارې چارې اصلاح کړو ، په پوره توګه به د 5G، AI، لويې ډېټا(large data)، کلاوډ کمپيوټينګ (cloud computing) په ګډون نوي تخنيکونه وکاروو، خپل پرمختګ به چټک او پراخ کړو او په نړۍ کې به د مخکښې رسنۍ د ګرځېدو لپاره به فعالې هڅې وکړو چې تاسو ته لاښه خدمتونه برابر کړو.

زموږ هغه روسي پخواني ملګري او مشهور چين پېژندونکي نوري تاوروسکي چې》 شي جين پينګ : چيني خوب د رښتيا کېدو په بهېر کې دی 《کتاب يې ليکلی، موږ ته د يوه پيغام پر مهال ويلي چې زه پر دې پوره باور لرم چې د انسانانو د ګډ برخليک ټولنې د جوړولو په اړه د چين وړانديز، د نړيوال پرمختګ د لارې اشاره کوونکی څراغ دی. واقعاً انسانان يوازينۍ ځمکنۍ کره لري او بېلابېل هېوادونو په ګډه سره پکې ژوند کوي. راځئ چې ګډې هڅې وکړو، څو د انسانانو د ګډ برخليک ټولنه او دايمي سوله لرونکې، امنه، ګډه سمسورتيالرونکې، پرانيستې، جامع، پاکه او ښکلې نړۍ جوړه کړو.

په پای کې يو ځل بيا تاسو ته د نوي کال مبارکي وايم. مننه!