شي جين پينګ د نهو هېوادونو د نويو سفيرانو باور ليکونه ومنل او د شانګهای همکارۍ سازمان له نوي سرمنشي سره يې وکتل

د سينهوا اژانس د خبر له مخې، د چين د دولت رئيس شي جين پينګ د فبرورۍ په شلمه نېټه په بېجينګ کې د خلکو په لوی تالار کې د نهو هېوادونو د نويو سفيرانو باور ليکونه ومنل.

په يادو نهو سفيرانو کې د السلوادور، هند، ترکمنستان، کرواتيا، قرغېزستان، اتوپيا، ګرينادا، کينيا او موريتانيا سفيران شامل دي.

شي جين پينګ په همدې ورځ د شانګهای همکارۍ سازمان له نوي سرمنشي ولاډيمير نوروف سره هم وکتل او له نوموړي څخه يې هيله وکړه چې د شانګهای همکارۍ سازمان د پرمختګ لپاره فعال خدمتونه وکړي.

(ياسمين)