د سينهوا اژانس د خبر له مخې، د چين دولتي شورا د اپريل په ۳مه نېټه د يوې اعلاميې په خپرولو سره اعلان وکړ چې د ۲۰۲۰م کال د اپريل په ۴مه نېټه به د نوي کورونا ويروس پر وړاندې په روانه مبارزه کې د قربانيانو او وطنوالو د مړينې د ملي ماتم مراسم تر سره شي. په همدې وخت کې به د چين په دننه کې او په نورو هېوادونو او سيمو کې د چين په سفارتونو او کونسلځايونو کې د چين ملي بيرغ نيم ځوړند وي او د چين په قملرو کې به ټول عام تفريحي فعاليتونه وځنډول شي. د همدې ورځې له لسو بجو څخه به ټول چينايان د درېيو دقيقو چوپتيا اجرا کړي، موټرونه، اورګاډي او بيړۍ به رمباړي وواهي او د هوايي دفاع د خطر زنګونه به هم ووهل شي. (غوټۍ)
