د دغه خبر له اورېدو وروسته د چين د دولت رئيس هو جين تاو او صدراعظم ون جيا باو د ژغورل شويو کسانو د حل واحول پوښتنه وکړه او ژغورونکيو ته احترامات تجديد کړ او د قوماندانۍ له مرکز څخه يې غوښتنه وکړه چې د ستړتيا په له منځه وړلو سره تر ممکنه حده پورې نوی کلابند کسان وژغوري .
اوس مهال له دغو يوسل او پنځلس تنو څخه د زياترو وګړيو روغتيايی حالت ښه دی . تر اوسه پورې په دغه پېښه کې هېڅ مرګ ژوبله نه ده اوښتې . د شان شي ولايتي حکومت او د روغتيا وزارت کارپوهانو له مشورو وروسته پرېکړه وکړه چې شپېته تنه د تان يوان د ښار مهم روغتون ته ولېږي.
د چين د امنيتي چارو د څارنې د عمومي ادارې مشر لو لين وويل ، د کلابند کسانو د ژغورلو په بهير کې دوه عجيب کارونه جوړ کړي دي .د شان شي ولايت د دغې پېښې په اړه وياند ليو ده ځينګ وويل، د قوماندانۍ مرکز لاهم د اوبو خوشی کول او د کلابند کسانو ژغورل د لومړنې دندې په توګه ټاکلی دی . تر اوسه پورې د خوشي شويو اوبو اندازه يو لک او اتيا زره مربع مترو ته رسيدلې ده.د ژغورنې کارونه لاهم په ثابته توګه روان دي .
© China Radio International.CRI. All Rights Reserved. 16A Shijingshan Road, Beijing, China. 100040 |