ශ්රී ලංකාවේ ජාත්යන්තර ගුවන්තොටුපොල ආරක්ෂක තත්ත්වය තවදුරටත් ඉහළ නැංවීමට පියවර ගැනේ. ඒ සඳහා ශ්රී ලංකා ගුවන් හමුදාවේ සුනඛ බලකාය තවදුරටත් ශක්තිමත් කිරීමට සිවිල් ගුවන්සේවා ආරක්ෂක කමිටුවේ දී, ගත් තීරණයට අනුව විශේෂ වර්ගයේ සුනඛයන් එම බලකායට ලබා දීමට ක්රියා කෙරිණ.
ඒ සඳහා මූල්ය සහාය ලබාදී ඇත්තේ ශ්රී ලංකා සිවිල් ගුවන්සේවා අධිකාරිය විසිනි.
ජාත්යන්තර සිවිල් ගුවන්සේවා සංවිධානය විසින් හඳුන්වාදී ඇති ගුවන් ආරක්ෂාව සම්බන්ධයෙන් වන රෙගුලාසීන් නිසි පරිදි ක්රියාවේ යෙදවීම අතින් ශ්රී ලංකාව කලාපීය වශයෙන් නිරන්තරයෙන් ඉදිරියෙන්ම සිටිමින් කටයුතු කරනු ලබන අතර එම තත්වය තවදුරටත් ඉහළ නැංවීම වෙනුවෙන් මේ අයුරින් පුහුණුව ලත් සුනඛයන් කණ්ඩායමක් ගුවන්තොටුපොළ ආරක්ෂක පිරික්සුම් මෙහෙයුම් සඳහා යෙදවීමට ක්රියාකර ඇත.