شنگھائی تعاون تنظیم کے رکن ممالک کی سپریم کورٹس کے درمیان تعاون کو فروغ دیا جائے گا
2018-05-25 20:22:25
شنگھائی تعاون تنظیم کے رکن ممالک کی سپریم کورٹس کے صدور اور چیف جسٹسز کا تیرہواں اجلاس پچیس تاریخ کو بیجنگ میں منعقد ہوا ۔ اجلاس میں ایک مشترکہ اعلا میے کی منظوری دی گئی جس پر تمام رکن ممالک نے دستخط کئے ۔ مذکورہ اعلامیے میں کہا گیا ہے کہ رکن ممالک کی سپریم کورٹس کے درمیان قانونی تبادلوں اور تعاون سے خطے کے پائیدارامن ، سلامتی اور استحکام کو تحفظ دینے میں مدد ملے گی اور تمام رکن ممالک کے درمیان باہمی اعتماد اور خوشگوار ہمسایوں کے دوستانہ تعلقات کو فروغ ملے گا ۔ شرکاء نے اس بات پربھی اتفاق کیا کہ بین الملکی جرائم پر کاری ضرب لگانے کے لئے تعاون کیا جائے گا ۔