پاپوا نیو گنی کے مختلف حلقوں کی جانب سےشی جن پھنگ کےمضمون کے لیے ستائش
چینی صدر شی جن پھنگ کےدورہ پاپوا نیو گنی سے قبل مقامی اخبارات میں چین اور بحرالکاہل کے جزیرہ نما ممالک کے درمیان تعلقات کو مزید فروغ دینے کے عنوان سے صدر شی جن پھنگ کے ایک مضمون کی اشاعت ہوئی جس کو پاپوا نیو گنی کے مختلف حلقوں نے بے حد سراہا ہے۔
شی جن پھنگ نے اس مضمون میں تحریر کیا کہ اپنے اس دورے کے دوران ان کی ، بحرالکاہل کے جزیرہ نما ممالک کے ان آٹھ رہنماوں کے ساتھ ملاقات ہو گی کہ جن ممالک نے چین کے ساتھ سفارتی تعلقات قائم کیے ہیں ۔وہ ان ممالک کے رہنماوں کے ساتھ باہمی تعلقات کو فروغ دینے اور ترقی کو مضبوط بنانے کے لیے مشترکہ صلاح و مشورہ کریں گے۔
پاپوا نیو گنی کے اخبار سنڈے کرانیکل کے نامہ نگار پال ستارزا نے یہ مضمون پڑھنے کے بعد نشاندہی کی کہ چینی حکومت نے مختصر وقت میں پاپوا نیو گنی کے لیے متعدد بنیادی تنصیبات تعمیر کی ہیں۔ مثال کے طور پر، چینی حکومت نے ایپک کے کامیاب انعقاد کے لئے پاپوا نیو گنی کی بندرگاہ موورسبی میں بہت سے راستوں اور عمارات کی تعمیر کی۔ اس اقدام کے لیے پاپوا نیو گنی چین کا شکر گزار ہے۔