افریقی لیگ نے زمبابوے میں مختلف فریقین سے اپیل کی ہے کہ پرامن طریقے سے سیاسی بحران کو حل کیا جائے
افریقی لیگ نے زمبابوے میں مختلف فریقین سے اپیل کی ہے کہ پرامن طریقے سے سیاسی بحران کو حل کیا جائے
پندرہ تاریخ کو افریقی لیگ کی جانب سے جاری کردہ بیان میں زمبابوے کی حکومت اور فوج سے اپیل کی گئی ہے کہ آئین کے ڈھانچے کے تحت پرامن طریقے سے سیاسی بحران کو حل کیا جائے۔افریقی لیگ کے کمشن کے چیرمین موسی فاکی نے بیان میں کہا کہ افریقی لیگ زمبابوے کی صورتحال پر نظر رکھے ہوئے ہے ۔افریقی لیگ پر عزم ہے کہ جنوبی افریقی ترقیاتی کمیونٹی کے ساتھ مل کر زمبابوے کے سیاسی بحران کو پرامن طریقے سے حل کرنے کی کوشش کی جائے گی۔
جنوبی افریقی ترقیاتی کمیونٹی کے موجودہ چیرمین اور جنوبی افریقہ کے صدر جیکب زوما نے اس سے قبل جاری کردہ ایک بیان میں جنوبی افریقی ترقیاتی کمیونٹی کی جانب سے زمبابوے کی صورتحال پر تشویش کا اظہار کیا اور مختلف فریقین سے اپیل کی کہ سیاسی بحران کو پرامن طریقے سے حل کیا جائے ۔
اطلاعات کے مطابق زمبابوے کا دارلحکومت ہرارے پندرہ تاریخ کی صبح مبینہ دھماکے سے گونج اٹھا۔زمبابوے کی فوج نے قومی ٹیلی ویژن پر جاری کردہ بیان میں فوجی بغاوت سے انکار کرتے ہوئے کہا کہ صدر موگابے محفوظ ہیں۔