اقوام متحدہ نے دہشت گردی کے خلاف جنگ میں چین کے کردار کو سراہا ہے
سولہ تاریخ کو اقوام متحدہ کے سیکرٹری جنرل انتونیو گوتریز نے لندن میں انسداد دہشت گردی اور انسانی حقوق کے حوالے سے ایک لیکچر کے دوران دہشت گردی کے خلاف جنگ میں چین کے کردار کو سراہتے ہوئے کہا کہ چین کو دہشت گردی کے خلاف عالمی تعاون میں اپنا کردار جاری رکھنا چاہیے۔ جناب گوتریز نے کہا کہ چین اقوام متحدہ میں دہشت گردی کے خلاف عالمی تعاون کے حوالے سے پر عزم ہے۔ انہوں نے انسداد دہشت گردی کے لیے مزید مضبوط عالمی تعاون کی ضرورت پر زور دیا۔ اقوام متحدہ کے سیکرٹری جنرل نے اس موقع پر اعلان کیا کہ اقوام متحدہ کے تحت انسداد دہشت گردی تنظیموں کا پہلا سر براہی سمٹ آئںدہ سال منعقد ہو گا جس میں نئی شراکت داریوں اور اعتماد پر مبنی تعلقات کو فروغ دیا جائے گا۔ انہوں نے دہشت گردی کے خلاف جنگ میں حکومتوں اور سیکیورٹی اداروں کے درمیان مزید موثر تعاون کی فوری ضرورت پر زور دیا۔ جناب انتونیو گوتریز نے اقوام متحدہ کے رکن ممالک پر زور دیا کہ وہ دہشت گردی کی مالیاتی معاونت کی روک تھام کے لیے عالمی اقدامات کو فروغ دیں اور سیکیورٹی اداروں کے درمیان معلومات کے تبادلے میں بہتر ی لائیں۔