عالمی اقتصادی فورم کی رپورٹ میں رواں سال معیشت کی مضبوط ترقی کے حوالے سے مثبت توقعات کا اظہار

عالمی اقتصادی فورم نے  بدھ کے روز   عالمگیر خطرات سے متعلق لندن میں جاری کی جانے والی رپورٹ میں اس توقع کا اظہار کیا  کہ رواں سال عالمی معاشی ترقی کا رجحان مضبوط رہے گا جس سے تمام ممالک کے رہنماوں کو سماجی و معاشی شعبے ، بین الاقوامی تعلقات اور موسمیاتی مسلے سمیت دیگر  اہم مسائل کے حل کے لئے سنہری موقع میسر آئے گا ۔  رپورٹ سے متعلق سروے میں شریک انسٹھ  فیصد کے افراد کےخیال میں رواں سال عالمگیر خطرات میں اضافے کا خدشہ ہے جبکہ صرف سات فیصد  افراد  نے اس کے بر عکس اپنی رائے دی ہے۔

رپورٹ میں کہا گیا ہے کہ ابتر جغرافیائی سیاسی حالات خطرات میں اضافے سے متعلق پیش گوئی کا ایک سبب ہے۔عام افراد کے نزدیک موسمیاتی مسئلہ بھی تشویشناک ہے ۔ علاوہ ازیں انٹرنیٹ کے باعث  پید اہونے والے خطرات میں بھی اضافہ ہوا ہے ۔ تاہم سروے میں شریک افراد کی جانب سے معاشی خطرات میں کمی کا اظہار کیا گیا ہے ۔