اکہترویں ورلڈ ہیلتھ اسمبلی اختتام پزیر

اکہترویں ورلڈ ہیلتھ اسمبلی ہفتے کے روز جنیوا میں  اختتام پزیر ہوئی جسمیں عالمی ادارہ صحت کے حوالے سے نئی ترجیحات کا تعین کیا گیا ہے۔عالمی ادارہ صحت کے ڈائریکٹر جنرل ٹیڈروس ایڈانوم نے اس موقع پر کہا کہ آئندہ پانچ برسوں کے حوالے سے " ٹرپل بلین " اہداف وضع کیے گئے ہیں۔ایڈانوم کے مطابق دو ہزار تئیس تک یونیورسل ہیلتھ کوریج سے مستفید ہونے والے افراد کے دائرہ کار کو مزید ایک ارب لوگوں تک توسیع دینی ہے ، صحت عامہ کی ہنگامی خدمات کی فراہمی سے مزید ایک ارب لوگوں کو بہتر تحفظ فراہم کرنا ہے جبکہ کوشش کی جائے گی کہ  مزید ایک ارب لوگ صحت اور خوشحالی سے لطف اٹھا سکیں۔