លេខាធិការគណៈកម្មាធិការបក្សកុម្មុយនិសចិននៃវិទ្យាស្ថានក្រុងQinzhou ដែលទទួលបន្ទុកការងារត្រៀមរៀបចំការកសាងសកលវិទ្យាល័យឈូងសមុទ្រ Beibu បានប្រាប់ឲ្យដឹងកាលពីថ្ងៃទី ២២ ខែតុលាថា ឥឡូវការងារត្រៀមរៀបចំធ្វើការកសាងបានបំពេញសម្រេចជាទូទៅ។ នៅពេលអនាគត សកលវិទ្យាល័យឈូងសមុទ្រ Beibu នឹងផ្តោតលើការបណ្តុះបណ្តាលធនធានមនុស្សប្រកបដោយទេពកោសល្យសម្រាប់អាស៊ាន។
លោកបានបន្តទៀតថា ក្នុងដំណាក់កាលត្រៀមរៀបចំកសាងសកលវិទ្យាល័យ Beibu វិទ្យាស្ថានរបស់លោកបានប្រកាន់ខ្ជាប់ទស្សនៈធ្វើការអប់រំដោយអាកប្បកិរិយាបើកទូលាយ បានជំរុញដំណើរការអប់រំជាមួយអន្តរជាតិយ៉ាងសកម្ម ដោយបានបង្កើតទំនាក់ទំនងសហប្រតិបត្តិការនិងផ្លាស់ប្តូរជាមួយសកលវិទ្យាល័យចំនួនជាង ៤០ នៃប្រទេសនិងតំបន់ជាង ២០ ក្នុងនោះរួមមានប្រទេសវៀតណាម ថៃ ម៉ាឡេស៊ីជាដើម ហើយបានជ្រើសរើសនិស្សិតអន្តរជាតិមកពីអាស៊ាននិងប្រទេសនិងតំបន់ចំនួនជាង ៤០ ព្រមទាំងរួមសហការរៀបចំកម្មវិធីអប់រំថ្នាក់បរិញ្ញាបត្រជាមួយសកលវិទ្យាល័យអន្តរជាតិផង៕
