លោកត្រាំ ប្រធានាធិបតីអាមេរិកបានសរសេរលើតាមបណ្តាញទំនាក់ទំនងសង្គមtwitter កាលពីថ្ងៃទី ២២ ខែតុលា ដោយអះអាងថា រដ្ឋាភិបាលនៃប្រទេសហុងឌូរ៉ាស ហ្គាតេម៉ាឡា និងប្រទេស Salvador បរាជ័យក្នុងការចាត់វិធានការដើម្បីទប់ស្កាត់ប្រជាពលរដ្ឋចាកចេញពីមាតុភូមិនិងឆ្ពោះទៅកាន់អាមេរិក ដូច្នេះ អាមេរិកនឹងផ្តាច់ឬក៏កាត់បន្ថយយ៉ាងខ្លាំងនូវការផ្តល់ជំនួយដល់ប្រទេសទាំងបីនេះ ។
ប្រព័ន្ធសារព័ត៌មានអាមេរិកបានផ្សាយដំណឹងថា កាលពីថ្ងៃទី ២១ ខែតុលា ប្រជាជនរាប់ពាន់នាក់ដែលមកពីប្រទេសហុងឌូរ៉ាស ហ្គាតេម៉ាឡា និងប្រទេស Salvador បានឆ្លងកាត់ព្រំដែនឈានចូលតំបន់ភាគខាងត្បូងនៃប្រទេសម៉ិកស៊ិក ហើយបន្តដំណើរទៅកាន់អាមេរិក ។