នាយប់ថ្ងៃទី២៨ខែវិច្ឆិកាតាមម៉ោងតំបន់ លោកស៊ីជីនភីងប្រធានរដ្ឋចិនដែលកំពុងបំពេញទស្សនកិច្ចផ្លូវរដ្ឋនៅប្រទេសអេស្ប៉ាញបានអញ្ជើញចូលរួមព្រះរាជពិធីលៀងសាយភោជន៍ដ៏ឱឡារិកដែលរៀបចំដោយព្រះចៅFilipeទី៦នៃប្រទេសអេស្ប៉ាញនៅព្រះបរមរាជវាំងក្រុងម៉ាឌ្រីដ។
ព្រះចៅFilipeទី៦បានមានព្រះរាជបន្ទូលថា ដំណើរទស្សនកិច្ចរបស់លោកស៊ីជីនភីងលើកនេះគឺជានិមិត្តសញ្ញាថ្មីមួយទៀតដែលមុខជានឹងអាចជំរុញទំនាក់ទំនងរវាងអេស្ប៉ាញនិងចិនឱ្យឈានចូលដំណាក់កាលអភិវឌ្ឍន៍ថ្មីជាមិនខាន។
លោកស៊ីជីនភីងបានថ្លែងថា ក្នុងអំឡុងពេលនៃការបំពេញទស្សនកិច្ចលើកនេះ ខ្ញុំនិងថ្នាក់ដឹកអេស្ប៉ាញបានផ្លាស់ប្តូរមតិយោបល់ដោយស៊ីជម្រៅអំពីបញ្ហាដែលយកចិត្តទុកដាក់ដូចគ្នាបូករួមទាំងទំនាក់ទំនងរវាងចិននិងអេស្ប៉ាញជាដើម និងបានមូលគំនិតឯកភាពសំខាន់ៗជាច្រើន។ ភាគីទាំងពីរបានឯកភាពថានឹងចាង់ទុកខួបទី៤៥នៃការបង្កើតទំនាក់ទំនងផ្លូវទូតរវាងចិននិងអេស្ប៉ាញជាលានានុវត្តភាពមួយដើម្បីធ្វើឱ្យការប្រាស្រ័យទាត់ទងជាន់ខ្ពស់នៃប្រទេសទាំងពីរមានភាពកាន់តែស្អិតល្មួត ជំរុញកិច្ចកសាងខ្សែក្រវាត់មួយនិងផ្លូវមួយ ក្នុងន័យជំរុញទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយរវាងប្រទេសទាំងពីរឱ្យឡើងដល់កម្រិតថ្មីដើម្បីផ្តល់សុភមង្គលនិងផលប្រយោជន៍កាន់តែច្រើនជូនដល់ប្រជាជននៃប្រទេសទាំងពីរ៕