នាពេលថ្មីៗនេះ ភាគីពាក់ព័ន្ធនៅសហរដ្ឋអាមេរិកបានវាយប្រហារគោលនយោបាយសាសនាជាតិរបស់ប្រទេសចិនតាមរយៈប្រឌិតព័ត៌មានក្លែងក្លាយជាបន្តបន្ទាប់។ក្នុងន័យនេះ មជ្ឈដ្ឋានសាសនាចិនបានថ្កោលទោសយ៉ាងខ្លាំងចំពោះការនេះនិងបានបរិហារតាមការពិតជាក់ស្តែង។
អ្នកទទួលខុសត្រូវនៃសមាគមគ្រិស្តសាសនានៃប្រទេសចិនបានថែ្លងថា យើងជាអ្នកទទួលផលពីគោលនយោបាយសេរីភាពនៃជំនឿសាសនាដែលបានអនុវត្តដោយប្រទេសចិន។សហរដ្ឋអាមេរិកបានវាយប្រហារបក្សកុម្មុយនិស្តចិននិងរដ្ឋាភិបាលចិនតាមរយៈការប្រើសាសនា គឺជាការប្រមាថលើសាសនា។
អ្នកទទួលខុសត្រូវនៃសមាគមសាសនាអ៊ីស្លាមនៃប្រទេសចិនបានថែ្លងថា រដ្ឋាភិបាលសហរដ្ឋអាមេរិកបានរើសអើងយ៉ាងខ្លាំងចំពោះសាសនាអ៊ីស្លាមនិងម៉ូស្លីម។មេដឹកនាំអាមេរិកបានជួបជាមួយអ្នកដែលគេហៅថា"ឥស្សរជនសាសនាចិន"ដែលខ្លះជាពួកអន្យតិរ្ថិយសាសនា ខ្លះជាពួកបំបែកជាតិ ពួកគេសុទ្ធតែមិនទាក់ទងនឹងសាសនានោះទេ។
អ្នកទទួលខុសត្រូវនៃសមាគមព្រះពុទ្ធសាសនានៃប្រទេសចិនបានថែ្លងថា កិច្ចខិតខំប្រឹងប្រែងរបស់បក្សកុម្មុយនិស្តចិននិងរដ្ឋាភិបាលចិនលើការអនុវត្តសេរីភាពនៃជំនឿសាសនាគឺ គួរឱ្យកោតសរសើរ។អ្នកកាន់សាសនា ចំនួន ២០០ លាននាក់ដែលបានរស់នៅក្នុងប្រទេសចិនមានសិទ្ធិបំផុតក្នុងការបញ្ចេញមតិ។រដ្ឋាភិបាលសហរដ្ឋអាមេរិកបានកោះកិច្ចប្រជុំពួកប្រឆាំងនឹងរដ្ឋាភិបាលចិន គឺបានបង្ហាញយ៉ាងពេញទំហឹងនូវមុខមាត់អាក្រក់របស់ពួកគេដែលជ្រោងទង់សាសនាធ្វើកិច្ចការនយោបាយ៕
