យប់ថ្ងៃទី១០ខែវិច្ឆិកា តាមម៉ោងក្នុងតំបន់ លោកស៊ីជីនភីងប្រធានរដ្ឋចិនបានអញ្ជើញទៅដល់ក្រុងអាថែនតាមយន្តហោះពិសេស ដើម្បីបំពេញទស្សនកិច្ចផ្លូវរដ្ឋនៅសាធារណរដ្ឋក្រិក។
លោកស៊ីជីនភីងបានថ្លែងថា បច្ចុប្បន្ន ចិននិងក្រិកសុទ្ធតែស្ថិតក្នុងដំណាក់កាលអភិវឌ្ឍន៍ជាគន្លឹះរៀងខ្លួន ការជំរុញឱ្យទំនាក់ទំនងទ្វេភាគីកាន់តែស៊ីជម្រៅនិងពង្រឹងនិងពង្រីកកិច្ចសហប្រតិបត្តិការជាក់ស្តែងគឺសមស្របនឹងផលប្រយោជន៍ជាមូលដ្ឋានរបស់ប្រទេសនិងប្រជាជនទាំងពីរ ។ ខ្ញុំរំពឹងធ្វើកិច្ចផ្លាស់ប្តូរមតិយោបល់យ៉ាងស៊ីជម្រៅអំពីទំនាក់ទំនងរវាងចិននិងក្រិកក្នុងបរិបទថ្មីជាមួយថ្នាក់ដឹកនាំក្រិករួមមានលោកប្រធានាធិបតីPavlopoulosនិងលោកនាយករដ្ឋមន្រ្តីMitsotakisជាដើម ដើម្បីរួមគ្នាគ្រោងផែនទីបង្ហាញផ្លូវអភិវឌ្ឍន៍នៃកិច្ចសហប្រតិបត្តិការរវាងប្រទេសទាំងពីរនៅពេលអនាគត ក៏ដូចជារួមគ្នាបើកទំព័រថ្មីនៃទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយរវាងចិននិងក្រិក៕
