ថ្ងៃទី ១៥ ខែវិច្ឆិកា មន្រ្តីទទួលខុសត្រូវនៃការិយាល័យទំនាក់ទំនងនៃរដ្ឋាភិបាលមជ្ឈិមចិនប្រចាំនៅតំបន់រដ្ឋបាលពិសេសហុងកុងបានថ្លែងអំពីការអនុវត្តស្មារតីនៃសុន្ទរកថាសំខាន់របស់លោកស៊ី ជីនភីង ប្រធានរដ្ឋចិនដែលបានលើកឡើងអំពីស្ថានការណ៍ហុងកុង ។ មន្រ្តីទទួលខុសត្រូវរូបនេះបានថ្លែងថា ថ្ងៃទី១៤ ខែវិច្ឆិកា តាមម៉ោងក្នុងតំបន់ លោកស៊ី ជីនភីង ប្រធានរដ្ឋចិនបានបង្ហាញនូវគោលជំហរយ៉ាងម៉ឺងម៉ាត់របស់ប្រទេសចិនពាក់ព័ន្ធនឹងស្ថានការណ៍ហុងកុងបច្ចុប្បន្ននៅក្រុងប្រេស៊ីលីយ៉ា ប្រទេសប្រេស៊ីល ដោយបានលើកឡើងនូវ”ការប្រកាន់ខ្ជាប់យ៉ាងម៉ឺងម៉ាត់” ចំនួន ៦ ចំណុច ដែលជាការចង្អុលបង្ហាញទិសដៅ សម្រាប់ទប់ស្កាត់សកម្មភាពហិង្សា បញ្ចប់ភាពចលាចល និងរៀបចំសណ្តាប់ធ្នាប់សង្គមឡើងវិញ ព្រមនិងបានបញ្ជាក់ម្តងទៀតពីគោលជំហររបស់រដ្ឋាភិបាលមជ្ឈមចិនដែលនឹងគាំទ្រហុងកុងជាប់ជានិច្ច ហើយក៏បង្ហាញនូវការប្តេជ្ញាចិត្តយ៉ាងមុតមាំក្នុងការប្រឆាំងនិងកម្ទេចឧបាយកលរបស់កម្លាំងទាំងក្នុងនិងក្រៅប្រទេសដែលប៉ុនប៉ងជ្រៀតជ្រែកកិច្ចការហុងកុងនិងបង្កភាពច្របូកច្របល់នៅហុងកុងផងដែរ៕