ទាក់ទិននឹងហេតុការណ៍ដែលប្រធាននាយកដ្ឋានយុត្តិធម៌នៃតំបន់រដ្ឋបាលពិសេសហុងកុងរងការវាយប្រហារនៅប្រទេសអង់គ្លេស លោក Geng Shuang អ្នកនាំពាក្យក្រសួងការបរទេសចិនបានថ្លែងក្នុងសនិ្នសីទសារព័ត៌មាននាថ្ងៃទី ១៥ ខែវិច្ឆិកាថា ប្រទេសចិនសម្តែងការខឹងសម្បាយ៉ាងខ្លាំងនិងថ្កោលទោសយ៉ាងម៉ឺងម៉ាត់ចំពោះហេតុការណ៍នេះ ប្រទេសចិនទាមទារឱ្យអង់គ្លេសស៊ើបអង្កេតជាបន្ទាន់ ដើម្បីរកការពិតឱ្យបានច្បាស់ និងខិតខំប្រឹងប្រែងតាមចាប់ខ្លួនជនបង្ក ដើម្បីផ្តន្ទាទោសតាមច្បាប់ ។
ពេលឆ្លើយតបនឹងសំណួរពាក់ព័ន្ធ លោក Geng Shuang បានថ្លែងថា ការពិតជាក់ស្តែងបានបញ្ជាក់ថា សកម្មជនប្រឆាំងប្រទេសចិននិងបង្កភាពចលាចលនៅក្រុងហុង គឺជាពួកឧទ្ទាមដ៏ហិង្សាសុទ្ធសាធ ទង្វើរបស់ជណទាំងនេះបានបំពានខ្សែបន្ទាត់ក្រហមច្បាប់និងខ្សែបន្ទាត់ក្រហមសីលធម៌យ៉ាងច្បាស់ បើសិនជាបណ្តោយឱ្យក្រុមឧទ្ទាមទាំងនេះធ្វើតាមតែទំនើងចិត្ត នោះមិនគ្រាន់តែនឹងបំផ្លាញយ៉ាងធ្ងន់ធ្ងរចំពោះវិបុលភាពនិងស្ថិរភាពរបស់ហុងកុងប៉ុណ្ណោះទេ ថែមទៀតនឹងមានផលប៉ះពាល់យ៉ាងធ្ងន់ធ្ងរដល់សហគមន៍អន្តរជាតិជាមិនខាន ក្នុងនោះក៏បួករួមទាំងប្រទេសអង់គ្លេសផងដែរ ៕