ថ្ងៃទី ១៤ ខែវិច្ឆិកា កិច្ចជំនួបលើកទី១១ នៃអ្នកដឹកនាំប្រទេស BRICS បានប្រារព្ធធ្វើយ៉ាងជោគជ័យនៅក្រុងប្រេស៊ីលីយ៉ា រដ្ឋធានីប្រទេសប្រេស៊ីល ។ ទាក់ទិននឹងរឿងនេះ លោក Geng Shuang អ្នកនាំពាក្យក្រសួងការបរទេសចិនបានថ្លែងក្នុងសនិ្នសីទសារព័ត៌មាននាថ្ងៃទី ១៥ ខែវិច្ឆិកាថា អ្នកដឹកនាំនៃប្រទេសទាំង៥បានផ្លាស់ប្តូរមតិយោបល់យ៉ាងស៊ីជម្រៅអំពីកិច្ចសហប្រតិបតិ្តការរវាងប្រទេស BRICS និងបញ្ហាអន្តរជាតិសំខាន់ៗដែលយកចិត្តទុកដាក់ដូចគ្នា ព្រមទាំងបានឈានដល់មតិឯកភាពរួមយ៉ាងទូលំទូលាយ ក៏ដូចជាទទួលបានសមិទ្ធផលជាផ្លែផ្កាយ៉ាងច្រើន ។
លោក Geng Shuang បានថ្លែងទៀតថា ប្រទេសចិនសម្គាល់ឃើញថាកិច្ចជំនួបលើកនេះបានឈានដល់គោលដៅដូចការគ្រោងទុក ហើយបានបញ្ចេញសញ្ញាវិជ្ជមាន៤ធំៗពោលគឺទីមួយ សញ្ញាវិជ្ជមានស្តីពីការផ្សព្វផ្សាយពហុភាគីនិយមឱ្យទូលំទូលាយ ទីពីរសញ្ញាវិជ្ជមានស្តីពីការប្រឆាំងការគាំរពារនិយម ទីបី សញ្ញាវិជ្ជមានស្តីពីការប្រឆាំងនឹងការជ្រៀតជ្រែងពីខាងក្រៅ ទីបួនសញ្ញាវិជ្ជមានស្តីពីការបង្កើនកិច្ចសហប្រតិបតិ្តការប្រកបដោយសាមគ្គីភាពរបស់ប្រទេស BRICS ៕