បញ្ញវន្ត អ្នកជំនាញ និងមន្ត្រីរបស់ប្រទេសជាច្រើនបានថ្លែងថា ក្នុងនាមជាអង្គភាពសេដ្ឋកិច្ចធំបំផុតទាំងពីរលើពិភពលោក ការអភិវឌ្ឍទំនាក់ទំនងអាមេរិក-ចិនប្រកបដោយស្ថិរភាពនិងរឹងមាំ ជាការរំពឹងទុកទូទៅនៃសហគមន៍អន្តរជាតិ។ ការដែលអាមេរិកបង្កើតសង្គ្រាមត្រជាក់ថ្មីគឺផ្ទុយនឹងចរន្តឈានទៅមុខនៃការអភិវឌ្ឍរបស់ពិភពលោក។
លោកអគ្គលេខាធិការសភាពាណិជ្ជកម្មអេហ្ស៊ីប-ចិនបានថ្លែងថា ទស្សនៈសង្គ្រាមត្រជាក់របស់សហរដ្ឋអាមេរិកបាននាំមកឥទ្ធិពលអវិជ្ជមានដល់ពិភពលោក ដែលនឹងបំផ្លាញដល់ពាណិជ្ជកម្មសកលលោក។ ប្រទេសធំត្រូវមានទំនួលខុសត្រូវធំនិងបំពេញកាតព្វកិច្ចធំ ជាច្បាស់ណាស់ក្នុងវិស័យនេះអាមេរិកធ្វើមិនបានល្អទេ។
លោក Vivian Balakrishnan រដ្ឋមន្ត្រីក្រសួងការបរទេសសិង្ហបុរីបានថ្លែងថា គ្រប់ប្រទេសនៅអាស៊ីសុទ្ធតែសង្ឃឹមថា អាមេរិកនិងចិនអាចដោះស្រាយការខ្វែងគំនិតខាងយុទ្ធសាស្ត្រ សហការគ្នាដើម្បីឆ្លើយតបនឹងបញ្ហារួមដែលបណ្តាប្រទេសបាននិងកំពុងប្រឈមមុខ៕
