កាលពីថ្ងៃទី២៧ខែតុលា លោកWangWenbinអ្នកនាំពាក្យនៃក្រសួងការបរទេសចិនបានថ្លែងនៅក្រុងប៉េកាំងថា ប្រទេសចិនសូមដាស់តឿនអ្នកនយោបាយអាមេរិកដូចជាតំណាងអាមេរិកប្រចាំជាអចិន្ត្រៃយ៍នៅអង្គការសហប្រជាជាតិជាដើមត្រូវស្វែងយល់ពីក្របខណ្ឌទឹកដីរបស់សហរដ្ឋអាមេរិកនិងតួនាទីរបស់ខ្លួនឯងន៉ជាមុនសិន ហើយកុំចាត់ទុកភាពមិនសមហេតុផលជាសច្ចធម៌ កុំយកពាក្យកុហកធ្វើជាអាវុធ ដោយសារធ្វើបែបនេះមិនអាចដោះស្រាយបញ្ហាប្រឈមរបស់អាមេរិកនោះទេហើយក៏មិនអាចធ្វើឱ្យអាមេរិកខ្លាំក្លាដែរ។
តាមការផ្សាយដំណឹងឱ្យដឹងថា លោក Kraftតំណាងអាមេរិកប្រចាំជាអចិន្ត្រៃយ៍នៅអង្គការសហប្រជាជាតិបានបង្ហោះសារនាពេលកន្លងទៅនេះដោយធ្វើការវាយប្រហារចំពោះកិច្ចសហប្រតិបត្តិការរវាងប្រទេសចិននិងអង្គការសហប្រជាជាតិ។ទាក់ទិននឹងរឿងនេះ លោកWangWenbinបានឆ្លើយតបក្នុងសន្និសីទកាសែតជាប្រចាំថា ប្រទេសចិនក្នុងនាមជាសមាជិកអចិន្រ្តៃយ៍នៃក្រុមប្រឹក្សាសន្តិសុខ ប្រទេសធំទី២ខាងចេញថវិកាសមាជិកភាពរបស់អង្គការសហប្រជាជាតិ និងសមាជិកដែលមានរួមចំណែកក្នុងការរក្សាសន្តិភាព បានគាំពារពហុភាគីនិយមយ៉ាងមុតមាំនិងគំាំទ្រការងាររបស់អង្គការសហប្រជាជាតិ គាំពារកម្មវត្ថុនិងគោលការណ៍នៃធម្មនុញ្ញអង្គការសហប្រជាជាតិជាប់រហូតមក។