ប្រទេសឥណ្ឌានិងសហរដ្ឋអាមេរិកបានធ្វើកិច្ចសន្ទនា២+២ដែលមានការចូលរួមពីរដ្ឋមន្រ្តីក្រសួងការបរទេសនិងរដ្ឋមន្រ្តីក្រសួងការពាជាតិនៃប្រទេសទាំងពីរនៅក្រុង New Delhi ប្រទេសឥណ្ឌាកាលពីថ្ងៃទី២៧ខែតុលា ប្រទេសទាំងពីរបានចុះហត្ថលេខាលើ”កិច្ចព្រមព្រៀងស្តីពីការផ្លាស់ប្តូរនិងកិច្ចសហប្រតិបត្តិការមូលដ្ឋាន”ដែលចែករំលែគ្នានូវការស៊ើបការណ៍អំពីភូមិសាស្រ្ត ដើម្បីបង្កើនកិច្ចសហប្រតិបត្តិការផ្នែកយោធាថែមមួយកម្រិតទៀត។
ប្រព័ន្ធសារព័ត៌ឥណ្ឌាមានបានយល់ឃើញថា ការចុះហត្ថលេខាលើ”កិច្ចព្រមព្រៀងស្តីពីការផ្លាស់ប្តូរនិងកិច្ចសហប្រតិបត្តិការមូលដ្ឋាន” មានន័យថាថ្ងៃក្រោយប្រទេសឥណ្ឌានិងសហរដ្ឋអាមេរិកនឹងចែករំលែកគ្នានូវការស៊ើបការណ៍និងព័ត៌មានរសើបនិងសំខាន់នានា ហើយឥណ្ឌាក៏អាចទិញអាវុធជឿនលឿនបំផុតពីសហរដ្ឋអាមេរិកផងដែរ ឧទ្ទាហរណ៍ដូចជា យន្តហោះប្រដាប់អាវុធគ្មានមនុស្សបើកជាដើម។
កិច្ចសន្ទនា២+២លើកនេះគឺជាកិច្ចសន្ទនាលើកទី៣រវាងឥណ្ឌានិងសហរដ្ឋអាមេរិក កាលពីមុន ប្រទេសទាំងពីរបានធ្វើកិច្ចសន្ទនា២+២ពីរលើកដោយឡែកពីគ្នានៅក្រុង New Delhi នៅឆ្នាំ២០១៨និងនៅក្រុងវ៉ាស៊ីនតោននៅឆ្នាំ២០១៩ ក្រោមប្រធានបទបង្កើនកិច្ចសហប្រតិបត្តិការកិច្ចការពារជាតិនិងទំនាក់ទំនងភាពជាដៃគូយុទ្ធសាស្រ្ត៕
