ជុំវិញបញ្ហាពាក់ព័ន្ធនឹងការចូលជាធរមាននៃ “សន្ធិសញ្ញាស្តីពីការហាមឃាត់អាវុធនុយគ្លេអ៊ែរ ” លោកស្រីHuaChunying អ្នកនាំពាក្យក្រសួងការបរទេសចិនបានថ្លែងនៅក្រុងប៉េកាំងកាលពីថ្ងៃទី ២២ ខែមករាថា ប្រទេសចិនមិនទទួលស្គាល់ ហើយក៏គ្មានបំណងចង់ចុះហត្ថលេខាឬអនុម័តលើ “សន្ធិសញ្ញាស្តីពីការហាមឃាត់អាវុធនុយគ្លេអ៊ែរ”នោះទេ ។ ភាគីចិនបានគូសបញ្ជាក់ថា សន្ធិសញ្ញានេះមិនអាចឆ្លុះបញ្ចាំងហើយក៏មិនអាចក្លាយជាច្បាប់អន្តជាតិបានដែរ ដូចនេះគ្មានប្រសិទ្ធភាពខាងផ្លូវច្បាប់ចំពោះប្រទេសដែលមិនចូលរួមជាមួយសន្ធិសញ្ញានេះទេ ។
លោកស្រីHuaChunying បានបញ្ជាក់ថា ប្រទេសចិននឹងបន្តចូលរួមកិច្ចពិភាក្សាអំពីបញ្ហាស្តីពីការកាត់បន្ថយសព្វាវុធនុយគ្លេអ៊ែរនិងបញ្ហាពាក់ព័ន្ធក្រោមក្របខ័ណ្ឌនៃគណៈកម្មាធិការទីមួយនៃមហាសន្និបាតអង្គការសហប្រជាជាតិ កិច្ចចរចាស្តីពីការកាត់បន្ថយសព្វាវុធ ដំណើរពិនិត្យពិភាក្សាលើ«សន្ធិសញ្ញាមិនរីកសាយភាយអាវុធនុយគ្លេអ៊ែរ » ព្រមទាំងកិច្ចសហប្រតិបត្តិការនៃប្រទេសនុយគ្លេអ៊ែរចំនួន ៥ ជាដើម ជំរុញដំណើរកាត់បន្ថយសព្វាវុធនុយគ្លេអ៊ែរតាមវិធានការជាក់ស្តែងប្រកបដោយវិចារណញ្ញាណនិងមានប្រសិទ្ធភាព ធ្វើកិច្ចខិតខំប្រឹងប្រែងជាបន្តបន្ទាប់ដើម្បីគាំពារតុល្យភាពនិងស្ថិរភាពជាយុទ្ធសាស្ត្រលើសកលលោក ក៏ដូចជាកសាងពិភពលោកដែលគ្មានអាវុធនុយគ្លេអ៊ែរផងដែរ ។
