នៅល្ងាច្ងៃទី២២ ខែមករា គណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន ដែលជាស្ថាប័ននីតិប្បញ្ញត្តិចិនបានធ្វើការបោះឆ្នោតនិងអនុម័តលើសេចក្តីព្រាងច្បាប់វិសោធនកម្មនៃច្បាប់បង្ការជំងឺឆ្លងសត្វ។ មតិសាធារណៈសម្គាល់ឃើញថា ច្បាប់ថ្មីដែលនឹងចូលជាធរមានចាប់ពីថ្ងៃទី១ ខែឧសភាឆ្នាំ២០២១ខាងមុខនេះ នឹងអាចផ្តល់ការធានាផ្នែកច្បាប់កាន់តែរឹងមាំដល់ការធ្វើឱ្យមានសុក្រឹតភាពនិងពង្រឹងថែមទៀតនូវសន្តិសុខសុខាភិបាលជាសធារណៈ។
តាមស្ថិតិបានឱ្យដឹងថា ជំងឺឆ្លងសត្វមានទំនាក់ទំនងយ៉ាងជិតស្នឹទ្ធជាមួយជំងឺឆ្លងមនុស្សជាតិ ដោយមានជំងឺឆ្លងសត្វចំនួន ៧០ ភាគរយអាចឆ្លងឱ្យមនុស្សជាតិ ហើយជំងឺឆ្លងមនុស្សជាតិបែបថ្មីចំនួន ៧៥ ភាគរយមានប្រភពដើមពីសត្វនោះដែរ។ លោក Yang heqing អនុប្រធានការិយាល័យច្បាប់សេដ្ឋកិច្ចនៃគណៈកម្មការការងារច្បាប់នៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនបានថ្លែងថា ការធ្វើវិសោធនកម្មច្បាប់បង្ការជំងឺឆ្លងសត្វលើកនេះគឺមានសារៈសំខាន់ក្រៃលែងចំពោះការគ្រប់គ្រងជំងឺឆ្លងសត្វ និងការធានាសន្តិសុខសុខាភិបាលសាធារណៈ ៕
