កាលពីថ្ងៃទី ១៦ ខែមេសា លោកZhaoLijian អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំថា កាលពីពេលថ្មីៗនេះ ភាគីជប៉ុនបានបណ្តែតបណ្តោយនាវានេសាទដែលមិនស្គាល់អត្តសញ្ញាណទៅបង្ករឿងហេតុនៅលំហសមុទ្រកោះDiaoyu ប្រទេសចិនជាប់រហូត ភាគីចិនសូមដាស់តឿនយ៉ាងតឹងរ៉ឹងឱ្យជប៉ុនគោរពគំនិតឯកភាពរួមនៃគោលការណ៍ ៤ ចំណុចរវាងចិននិងជប៉ុន ចាត់វិធានការជាក់ស្តែងដើម្បីបង្កើនការគ្រប់គ្រងផ្ទៃក្នុង សំដៅចៀសវាងកុំឱ្យស្ថានការណ៍កាន់តែអាក្រក់ទៅៗ ។
សូមបញ្ជាក់ថា តាមការផ្សាយដំណឹងរបស់ប្រព័ន្ធសារព័ត៌មានជប៉ុនឱ្យដឹងថា កាលពីពេលថ្មីៗកន្លងទៅនេះ នាវានេសាទជប៉ុនបានត្រូវនាវាឆ្មាំសមុទ្រចិនបណ្តេញឱ្យចេញពីលំហសមុទ្រកោះDiaoyu ជាច្រើនលើក ។ លើបណ្តាញអ៊ីនធើណែតជប៉ុននៅមានគេខមិនស្នើឱ្យនាវានេសាទជប៉ុនទៅបុកជាមួយនាវាឆ្មាំសមុទ្រចិនក្នុងចេតនាអាក្រក់ ហើយបានបំផ្លើសថាភាគីចិនជាភាគីបង្ករឿងហេតុ ដើម្បីធ្វើឱ្យស្ថានការណ៍កាន់តែតានតឹង ក្នុងន័យជំរុញឱ្យរដ្ឋាភិបាលជប៉ុននិងអាមេរិកបង្កើនការចាត់វិធានការនៅកោះDiaoyuនៃ«សន្ធិសញ្ញាការពារសន្តិសុខរវាងជប៉ុននិងអាមេរិក »ក្នុងខណៈពេលដែលថ្នាក់ដឹកនាំជប៉ុនបំពេញទស្សនកិច្ចនៅអាមេរិក ៕
