កាលពីថ្ងៃទី ៩ ខែកញ្ញា លោកស្រីShuJueting អ្នកនាំពាក្យក្រសួងពាណិជ្ជកម្មចិនបានថ្លែងក្នុងសន្និសីទកាសែតជាប្រចាំនៃក្រសួងពាណិជ្ជកម្មចិនថា ក្រសួងពាណិជ្ជកម្មចិននឹងខិតខំប្រឹងប្រែងដើម្បីលើកកម្ពស់កម្រិតសេរីភាពផ្នែកពាណិជ្ជកម្មសេវាកម្មនៅមហាតំបន់ឈូងសមុទ្រក្វាងទុង-ហុងកុង-ម៉ាកាវតាមរយៈផែនការCEPA និងផ្តល់កិច្ចសម្រួលដល់អ្នកក្រុងហុងកុងនិងម៉ាកាវដែលធ្វើអាជីវកម្មគ្រប់វិស័យនៅតំបន់QianhaiនិងHengqin ក្នុងន័យដើរតួនាទីនៃឧត្តមភាពក្នុងតំបន់ និងធ្វើឱ្យមានភាពកាន់តែស៊ីជម្រៅនូវកិច្ចសហប្រតិបត្តិការរវាងក្វាងទុង-ហុងកុង-ម៉ាកាវ ។ ដោយឡែក ក៏នឹងគាំទ្រតំបន់សហប្រតិបត្តិការ Hengqin ដាក់ចេញវិធានការថ្មីមួយចំនួនប្រកបដោយការច្នៃប្រឌិតថ្មីដែលសំដៅចំពោះតំបន់ម៉ាកាវដើម្បីធ្វើឱ្យមានភាពស៊ីជម្រៅនូវកំណែទម្រង់និងការបើកទូលាយ ព្រមទាំងគាំទ្រតំបន់សហប្រតិបត្តិការ Qianhai ក្នុងការកសាងមជ្ឈមណ្ឌលបើកទូលាយកម្រិតខ្ពស់ ដើម្បីជំរុញកិច្ចសហប្រតិបត្តិការរវាងតំបន់ចិនដីគោកជាមួយតំបន់ចិនហុងកុងនិងម៉ាកាវឱ្យឡើងដល់កម្រិតថ្មីមួយ ។
ក្រសួងពាណិជ្ជកម្មចិន ៖ ខិតខំប្រឹងប្រែងគាំទ្រការកសាងតំបន់សហប្រតិបត្តិការ Qianhai និង Hengqin ដើម្បីជំរុញកិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងតំបន់ចិនដីគោកជាមួយតំបន់ចិនហុងកុងនិងម៉ាកាវ
