ថ្ងៃទី២៦ ខែវិច្ឆិកា វេទិកាកំពង់ផែព័ត៌មានចិន-អាស៊ានលើកទី៤ បានបើកធ្វើនៅក្រុងណាននីងភូមភាគស្វយ័ត្នក្វាំងស៊ីរបស់ប្រទេសចិនក្រោមប្រធានបទ «បច្ចេកវិទ្យាឌីជីថលតភ្ជាប់អាស៊ាន ភាពវៃឆ្លាតបង្កើតអនាគត»។ មន្ត្រីរដ្ឋាភិបាល តំណាងសហគ្រាស តំណាងផ្នែកពាណិជ្ជកម្ម អ្នកជំនាញការនិងបញ្ញវន្តចំនួនជាង ១៨០ រូបដែលមកពីប្រទេសចិន និងប្រទេសអាស៊ានដូចជា ឡាវ វៀតណាម ម៉ាឡេស៊ី ជាដើម បានអញ្ជើញចូលរួមក្នុងវេទិកាសំខាន់ ដើម្បីផ្លាស់ប្តូរនូវមតិយោបល់ស្តីពីការអភិវឌ្ឍសេដ្ឋកិច្ចឌីជីថល ការតភ្ជាប់ខាងភាពឆ្លាតវៃ និងកិច្ចសហប្រតិបត្តិការផ្តល់ផលប្រយោជន៍គ្នាទៅវិញទៅមក។
វេទិកានេះបានធ្វើឡើងតាមរបៀប «តាមអនឡាញ+នៅនឹងកន្លែង» ។ ក្នុងវេទិកាមេ មន្ត្រីនិងភ្ញៀវកិត្តិយសបានអញ្ជើញថ្លែងសន្ទរកថាដោយឡែកពីគ្នា «សៀវភៅសស្តីពីការកសាងក្វាំងស៊ីឌីជីថលនៃកំពង់ផែព័ត៌មានចិន-អាស៊ាន» ក៏ត្រូវបានប្រកាសជាផ្លូវការផងដែរក្នុងវេទិកាមេផងដែរ ដែលបានពិព័ណនានូវលទ្ធផលដ័៏ចធ្លោនៃការកសាងក្វាំងស៊ីឌីជីថល នៃកំពង់ផែព័ត៌មានចិន-អាស៊ាន។ ជាមួយគ្នា ពិព័រណ៍បច្ចេកវិទ្យាឌីជីថលចិន-អាស៊ានបានធ្វើតាមអនឡាញ ដែលត្រូវចែកជា វិស័យបច្ចេកវិទ្យាព័ត៌មានវិទ្យាជំនាន់ថ្មី បច្ចេកទេសទំនាក់ទំនងតាមប្រព័ន្ធ5G ភាពវៃឆ្លាតសិប្បនិម្មិត ការផលិតបែបឆ្លាតវៃនិងពាណិជ្ជកម្មអេឡិកត្រូនិច ទីក្រុងឆ្លាតវៃនិងការគ្រប់គ្រងសង្គមជាដើម។ ក្រៅពីនេះ វេទិកាក៏បានចុះហត្ថលេខាលើកិច្ចព្រមព្រៀងសហប្រតិបត្តិការមួយចំនួន បានប្រកាសសមទ្ធិផលនៃការកសាងផែនការមួយចំនួន។
សូមបញ្ជាក់ថា វេទិកាលើកនេះបានផ្តោតសំខាន់លើនិន្នាការថ្មីនៃការអភិវឌ្ឍសេដ្ឋកិច្ចឌីជីថល និងភាពរីកចម្រើនឈានមុខនៃការអភិវឌ្ឍបច្ចេកទេសព័ត៌មានវិទ្យា ក្នុងគោលបំណងបង្ហាញនូវ ការអភិវឌ្ឍបែបច្នៃប្រឌិតថ្មីនៃកិច្ចសហប្រតិបត្តិការសេដ្ឋកិច្ចឌីជីថលចិន-អាស៊ាន សមទ្ធផលកសាងនៃចិនឌីជីថល ដើម្បីជំរុញការផ្លាស់ប្តូរនយោបាយ ការតភ្ជាប់ហេដ្ឋារចនាសម្ព័ន្ធ ការទាក់ទងផ្នែកពាណិជ្ជកម្ម មូលនិធិនិងរវាងប្រជាជន របស់ប្រទេសចិននិងបណ្តាប្រទេសអាស៊ានឱ្យកាន់តែងាយស្រួល ក៏ដូចជាចាប់ផ្តើមទំព័រថ្មីនៃការច្នៃប្រឌិតថ្មីសេដ្ឋកិច្ចឌីជីថលរវាងចិននិងអាស៊ាន៕
